Modal Verbs ꓔꓯ ꓢꓳ ꓣꓴ Dꓴ | English Grammar with Audio by Biyo Lisu | English to Lisu

Modals ꓮ ꓫꓵꓽ ꓥˍꓡ? – Modal Verbs ꓠꓬ꓾ ꓬꓰ ꓐ ꓡˍꓟ꓾ ꓬꓰ ꓠꓲ, ꓫꓵˍꓟ꓾ ꓢꓯꓼ ꓖꓶꓽˍꓟ꓾ ꓶ ꓥꓳꓽ ꓙꓱꓽ ꓖꓶꓽˍꓟ꓾ ꓬꓰ ꓙˍꓟ ꓐꓰ ꓕꓵꓽ ꓪꓽ ꓥ ꓠꓬ Dꓰꓽ Dꓴ ꓐꓰ ꓮ ꓡꓲ ꓬꓰ ꓒꓬꓱꓼ ꓡˍꓠꓯ,ˍꓟ ꓐꓯ ꓟ. ꓖꓶꓽ Dꓴ ꓝꓮꓲ ꓮ ꓫꓵꓽ ꓬꓰ ꓙꓲꓽ ꓙꓳˍꓟ ꓢꓷ. ꓡꓰ ꓝꓲ Dꓴ ꓐꓱ ꓶ ꓣꓱꓽˍꓟ ꓝꓳ, ꓮꓙꓵꓽ ꓔꓯ ꓠꓬ Modals ꓐꓯˍꓡꓳ=

   Modals ꓕꓱ ꓟ ꓠꓯꓸꓼ ꓗꓪ ꓠꓬ ꓮ ꓟꓬ, ꓘꓶꓽ ꓙꓳˍꓡꓳ= ꓖꓳ ꓡꓱ ꓠꓬꓲ ꓠꓱ ꓐꓯꓼ ꓢꓳ ꓠ, ꓟ ꓠꓬ ꓕꓲ ꓝ. ꓑꓶ. ꓝ. ꓕꓲ ꓝ ꓢꓳ ꓣꓴ ꓙꓰ Dꓴ ꓥꓳ= ꓠꓬꓲ ꓠꓬꓲ ꓣꓳ ꓢꓳ Dꓴ ꓠꓬ 2 ꓘꓶꓽ ꓔꓯ ꓢꓳ Dꓴ ꓥˍꓡꓳ=

   Should ꓐꓰ Must ꓕꓱ ꓟ ꓔꓯ ꓢꓳ ꓣꓴ ꓡꓯ=

Should ꓐꓯˍꓟ ꓔꓯ ꓮ ꓡꓲ ꓗꓪ ꓣꓱꓽˍꓟ ꓝꓮꓲ Must ꓔꓯ ꓮ ꓡꓲ ꓗꓪ ꓣꓱꓽˍꓟ ꓔꓯ ꓢꓳ ꓣꓴ ꓡꓯ= Should ꓔꓯ ꓠꓬ Advice (ꓢꓯꓼ ꓖꓶꓽˍꓟ) ꓗꓪ ꓣꓱꓽˍꓡꓳ= Must ꓔꓯ ꓠꓬ Force (ꓟꓽ D ꓟꓽ ꓢ) ꓐꓯˍꓟ ꓗꓪ ꓣꓱꓽˍꓡꓳ=

ꓔꓯꓺ ꓥꓳꓽ ꓗꓪ ꓡꓳ. ꓠꓬꓲ ꓡꓯ=

• You should go.
• ꓠꓴ ꓙꓰ ꓙꓲꓽ ꓙꓳˍꓡꓳ=

• You should do.
• ꓠꓴ ꓬꓰ ꓙꓲꓽ ꓙꓳˍꓡꓳ=

• You should come.
• ꓠꓴ ꓡ ꓙꓲꓽ ꓙꓳˍꓡꓳ=

  ꓕꓱ ꓟ ꓗꓪ ꓠꓬ ꓠꓴ ꓡ ꓙꓲꓽ ꓙꓳˍꓡꓳ꓾ ꓠꓴ ꓬꓰ ꓙꓲꓽ ꓙꓳˍꓡꓳ= ꓝꓮꓲ ꓠꓴ ꓙꓰ ꓙꓲꓽ ꓙꓳˍꓡꓳ꓾ ꓐꓯˍꓟ ꓕꓱ ꓟ ꓮ ꓙꓵꓽ ꓠꓬ ꓢꓯꓼ ꓖꓶꓽ  ꓘꓶꓽ ꓫ ꓕꓱ ꓗꓷˍꓟ ꓥˍꓡꓳ= ꓖꓳ ꓟ  ꓑꓶ. Dꓴ ꓖꓳ ꓡꓱ ꓢꓯꓼ ꓖꓶꓽ ꓘꓶꓽ ꓫ. ꓕꓱˍꓟ ꓗꓪ ꓮ ꓙꓵꓽ ꓗꓪ ꓠꓬ “Should” ꓐꓯˍꓟ ꓕꓱ ꓕꓲ ꓘꓶꓽ ꓣꓱꓽ ꓠ ꓗ,ˍꓡꓳ=

ꓖꓳ ꓡꓱ ꓥˍꓟꓲ ꓢꓯꓼ ꓖꓶꓽ ꓘꓶꓽ ꓖꓶ ꓟꓽ ꓥ꓾ ꓟꓽ D ꓟꓽ ꓢ ꓬꓰ ꓠ ꓔ ꓥ ꓝꓮꓲ ꓙꓰ ꓠ ꓔ ꓥ ꓐꓰ ꓐꓯˍꓠꓬ “Must” ꓕꓱ ꓕꓲ ꓘꓶꓽ ꓔꓯ ꓣꓱꓽ ꓠ ꓗ,ˍꓡꓳ=

ꓔꓯꓺ ꓥꓳꓽ ꓗꓪ ꓡꓳ. ꓠꓬꓲ ꓡꓯ=

• You must go.
• ꓠꓴ ꓟꓽ D ꓟꓽ ꓢ ꓙꓰ ꓙꓲꓽ ꓙꓳˍꓡꓳ=

• You must do.
• ꓠꓴ ꓟꓽ D ꓟꓽ ꓢ ꓬꓰ ꓙꓲꓽ ꓙꓳˍꓡꓳ=

• You must come.
• ꓠꓴ ꓟꓽ D ꓟꓽ ꓢ ꓡ ꓙꓲꓽ ꓙꓳˍꓡꓳ=

ꓖꓳ ꓟ ꓑꓶ. Dꓴ ꓠꓴ ꓪ ꓔꓯ C, ꓟꓽ ꓪ Dꓴ ꓕꓽ ꓗꓷ ꓡꓲ ꓝꓲ= ꓠꓴ ꓟ, ꓟ ꓮ ꓘꓶ. ꓠꓻ ꓠꓬ ꓠꓴ ꓦꓲꓻ ꓘꓴꓽ ꓗꓪ ꓟꓽ D ꓟꓽ ꓢ ꓡ ꓙꓰ ꓙꓲꓽ ꓙꓳˍꓡꓳ= ꓖꓳ ꓡꓱ ꓠꓬꓲ ꓣꓳ ꓐꓴ Dꓵꓽ ꓙ Cꓵ. ꓔ Dꓴ ꓬꓰ ꓡꓯ= Should ꓐꓰ Must ꓕꓱ ꓠꓬꓲꓽ ꓘꓶꓽ ꓠꓬ ꓣꓱꓽˍꓟ ꓗꓪ ꓟꓲ ꓖ ꓟꓲ ꓣꓱꓽˍꓡꓳ= Must ꓠꓬ ꓟꓽ D ꓟꓽ ꓢ  ꓬꓰ ꓠ ꓔꓳ ꓫꓵꓽ ꓗꓪ ꓝꓮꓲ ꓟꓽ ꓪ ꓟꓽ ꓢ ꓙꓰ ꓠ ꓔꓳ ꓫꓵꓽ ꓗꓪ ꓣꓱꓽˍꓥꓳ= ꓖꓳ ꓡꓱ ꓥˍꓟꓲ Should ꓕꓱ ꓕꓲ ꓘꓶꓽ ꓠꓬ ꓢꓯꓼ ꓖꓶꓽ ꓘꓶꓽ ꓥ ꓠꓬꓲ ꓙꓰ ꓙꓳꓽ ꓙꓳˍꓥ ꓝꓮꓲ ꓬꓰ ꓙꓲꓽ ꓙꓳˍꓥ ꓐꓰ ꓐꓯˍꓟ ꓗꓪ ꓣꓱˍꓡꓳ=